Tamam një dhuratë në kohë Krishtlindjesh!

Një çift nga Oklahoma në SHBA po kërkonte në një faqe në internet për adoptimet, kur pa një bebe kineze. Ata menjëherë u dashuruan me sytë e saj. Në atë kohë ata nuk mund ta shihnin fytyrën e plotë të bebes për shkak se ajo kishte një shenjë të madhe të zezë.

Diçka e tillë cilësohet një shenjë e keqe në Kinë dhe për këtë arsye, bebja ishte gjetur e braktisur në një kuti kartoni.

Shenja në fytyrë ishte edhe një rrezik për shëndetin e saj, pasi mund të kthehej në një melanoma malinje.

Por çifti amerikan nuk u tërhoq, ata e morën beben, e cila tani në prag të Krishtlindjeve feston edhe heqjen e njollës nga fytyra.

Mjekët që realizuan operacionin thanë se kishin shumë frikë për shkak se ishte një shenjë shumë, shumë e madhe. Por pas më shumë se nëntë orësh, operacioni doli me sukses.