Tatimet 2000 gjoba për mungesat e kasave

Tatimet në fokus mungesën e kasava dhe mosdeklarimin e punonjësve. Mungesa e kasave fiskale dhe mosdeklarimi i punonjësve kanë qenë objekt i Drejtorisë së hetimit tatimor. Kjo strukturë ka vendosur rreth 2000 gjoba për sipërmarrës që nuk kanë plotësuar dy kushtet e vendosura nga tatimet. Mësohet se deri në fund të vitit 2009 janë hetuar 77 raste ku 27 prej tyre

janë dërguar për ndjekje pranë organit të akuzës. Ndërkohë që vetëm dy ditë më parë administrata tatimore është e angazhuar deri në fund të shërbejë për tatimpaguesit pa ushtruar represion mbi to. Aadministrata fiskale është e angazhuar në zbatimin e ligjit tatimor duke përdorur analizën e riskut.  "Ne po punojmë fuqishëm me partnerët tanë brenda vendit, Prokurorinë e Përgjithshme, me strukturat e krimit ekonomik, me strukturat që luftojnë kundër pastrimit të parave, për përmirësimin e dispozitave penale për evazionistët. Vetëm për evazionistët, absolutisht jo për të tjerat. Por, unë duhet të deklaroj hapur, objektivi ynë në të ardhmen kur nuk do të jetë represioni", tha Artur Papajani, drejtor i DPT. Trajnimi është pjesë e mbështetjes financiare që po merr administrata shqiptare nga programi prag i koorporatës së Sfidës së Mijëvjecarit që administrohet nga USAID.