Tatimet Do te rimbursohen kasat per 53 mije biznese

Brenda dates 28 shkurt bizneset do te kene mundesine te rimbursohen per nje pjese te vleres se kases fiskale qe kane blere te nje nga shoqerite e autorizuara. Grupi i punes ne Drejtorine e Pergjithshme te Tatimeve ne bashkepunim me ekspertet e financave pjesa e buxhetit jane duke punuar per kalimin e transfertes se kompensimit qe do tu behet njesive te pushtetit vendor.

Projektligji i miratuar me shume diskutime nga Keshilli i Ministrave rreth dy muaj me pare parashikon rimbursimin ne shumen 44 mije leke nga taksat e biznesit te vogel qe shkojne direkt per pushtetin vendor. Pra efekti negativ shkarkohet te pushteti vendor pasi biznesi i vogel do te deklaroje shpenzimin per kasen si te njohur ne bilanc per efekt tatimi.

Mesohet nga Drejtoria e Pergjithshme e Tatimeve se jane rreth 53 mije biznese te vogla qe preken nga skema e kompensimit te kases fiskale ne shumen prej 44 mije lekesh.

Nga Ministria e Financave mesohet se shuma nga faturat financiare shkon ne vleren 23 miliarde dhe aktualisht po bashkepunohet me drejtorine e buxhetit per kompensimin e te ardhurave qe do te humbase pushteti vendor nga transfertat e pushtetit qendror.

Lidhur me mekanizmat e transferimit te ketij kompensimi me transferta apo me dicka tjeter tatimet dhe drejtoria qe mbulon politikat fiskale jane duke e diskutuar me drejtorine e buxhetit.

Ceshtja e instalimit te kasave fiskale mori permasa te medha deri ne instancat e larta te qeverise dhe politikes pasi nje kategori biznesesh tregtaret e vegjel kundershtuan me force vendosjen e pajisjeve. Pas negociatave me ministrin e Financave ne zyren e tij tregtaret arriten kompromisin per ta blere kasen fiskale me cmim me te mire duke plotesuar kushtin e respektimit te afatit.

Te dhenat nga administrata tatimore tregojne se aktualisht jane pajisur me kase fiskale rreth 15 per qind e biznesit aktiv kurse brenda muajit dhjetor te ketij viti duhet te mbyllet procesi per te gjitha llojet e bizneseve perjashto ambulantet.