Të diplomuarit në tregun e punës

Afrimi i universiteteve me tregun e punës dhe prodhimin si dhe përfshirja e tyre në inovacion ishte qëllimi i një memorandumi mirëkuptimi që kompania "Kurum" bëri me fakultetin e inxhinierisë së ndërtimit dhe univeristetin "Epoka". Nisja e këtij bashkëpunimi është bërë me mbështetjen e ministrit të inovacionit Genc Pollo, i cili tha se raste të tilla duhet të ketë sa më shumë.

“Memorandumi i posanënshkruar ecën në këtë drejtim duke sjellë gjithmonë universitetet pranë drejtimit pranë tregut të punës. Teknologjitë për të cilat palët nënshkruese do të bashkëpunojnë janë rruga se si ne mund ta zhvillojmë dhe modernizojmë ekonominë tonë duke i mëshuar fortë atij që është dhe duhet të mbetet refreni i vazhdueshëm, inovacioni” tha Pollo.

Me këtë memorandum dy universitetet e përzgjedhura do të punojnë së bashku me "KURUM" për të hedhur në treg celikun sizmik. Ky produkt do të mundësohet duke shfrytëzuar teknologjitë më të fundit.

Adi Darsi