Te moshuarit, 30% e vdekjeve nga rrezimet
Rreth 30 per qind e vdekjeve qe ndodhin te te moshuarit mbi moshen 65-vjecare jane per shkak te rrezimeve. Sipas nje studimi te kryer nga Instituti i Shendetit Publik ka rezultuar se te moshuarit pesojne fraktura te renda gjate rrezimeve dhe me pas shtrohen ne spitale, per shkak te frakturave te renda qe marrin, ne disa raste humbasin edhe jeten. "Rrezimet ne te moshuarit kane prirje te ndodhin gjate aktiviteteve te jetes se perditshme. Nga keto rrezime, 29 per qind e rasteve jane me pasoje vdekjen ne te moshuarit mbi 65 vjec", thuhet ne studimin e kryer nga Instituti i Shendetit Publik. Po sipas ketij studimi, rezulton se te moshuarit kane pese here me teper predispozicion per t'u shtruar ne spital si pasoje e nje rrezimi sesa e nje demtimi nga shkaqe te tjera. Rrezimet me fatale jane ato qe ndodhin ne dush, ose ne ambientet e brendshme te tualeteve, kjo do te thote se frakturat qe marrin ne keto ambiente jane shume te renda. Por, sipas studimit, nuk mbeten pas edhe rastet e rrezimeve per shkak te pengesave, sic mund te jene qilimat, tapetet apo sendet e tjera te vendosura ne shtepi, te cilat shkaktojne cekuilibrimin te te moshuarit. Pervec ketyre faktoreve, sipas specialisteve te ISHP-se, ka edhe faktore te tjere qe ndikojne, sic jane problemet shendetesore dhe kryesisht ato me shikimin, perdorimi i medikamenteve etj. "Stili i jetes sedentare, ndricimi i dobet ne shkalle, mungesa e parmakeve mbajtes, jane kontribuuesit kryesore te rrezimeve dhe qe rrisin shpeshtesine e ndodhjes se fenomenit", pohojne specialistet pas kryerjes se studimit. Po keshtu te dhenat tregojne se me teper se nje e treta e te moshuarve mbi 65 vjec rrezohen cdo vit dhe keto shoqerohen me trauma dhe demtime me pasoje vdekjen. Per sa i perket ndihmes mjekesore, qe te moshuarit kane marre per shkak te rrezimeve, kane rezultuar se vetem gjate vitit te kaluar kane qene te pakten 1.6 milione njerez ne vendin tone, te cilet kane kerkuar trajtime ne departamentin e urgjences, kurse 338 mije persona jane shtruar ne spital me trauma te renda. Ajo qe theksohet nga specialistet e ISHP-se eshte se te moshuarit ne zonat urbane, pikerisht ne qytet, jane me te rrezikuar, kjo per shkak te levizjeve te kufizuara qe kane dhe ambienteve te kufizuara. Kurse per sa u perket te moshuarve ne fshat, ata kane nje jete me aktive dhe kjo i ben qe te jene te "forte" ndaj ketij fenomeni. "Jeta ne fshat ka me shume levizje dhe aktivitet fizik, gje me te cilen banoret e fshatit ambientohen qe ne femijeri. Nje arsye tjeter eshte edhe ardhja e shume familjeve ne zonen urbane, qe ndikon ne uljen e numrit te grup-moshes 65 vjec ne zonat rurale", thuhet ne studimin e ISHP-se. Kurse per sa i perket shperndarjes se rasteve sipas gjinise theksohet se perqindja e meshkujve eshte pothuajse dy here me e larte se ajo e femrave. Kete specialistet e argumentojne me faktin se femrat jane me te kujdesshme dhe te vemendshme sesa seksi tjeter.