Të pagjeturit në Kosovë, Sejdiu: Serbia të na ndihmojë

Presidenti i Kosovës, Fatmir Sejdiu ka kërkuar nga faktori ndërkombëtar që të ushtrojë presion ndaj Serbisë, për dhënien e informacioneve mbi personat e pagjetur.
Deklaratën e tij kreu i shtetit kosovar e bëri gjatë një konference me ekspertë ndërkombëtarë të mjekësisë ligjore, të mbledhur në Prishtinë. Sejdiu i ka drejtuar edhe një apel Beogradit zyrtar, të cilit i ka kërkuar që të distancohet nga njerëzit që kanë bërë krime dhe nga ato klasa politike që kanë dashur të jenë hegjemone ndaj popujve të rajonit.