Bush e fshin dorën në këmishën e Clintonit

Shtrëngimi i dorës së të varfërve në Haiti pas tragjedisë duket se ka qenë tepër për ish presidentin amerikan George W. Bush.

Ka lënë pikërisht gafën e radhës Bush, që pasi është takuar me haitianët, ka pastruar dorën. Veçse, jo në teshat e veta.

Ish shefi i Shtëpisë së Bardhë gjatë një vizite së bashku me Bill Clinton në ishullin e goditur nga tërmeti apokaliptik ka pastruar dorën në këmishën e Clintonit.

Veprimi aspak fisnik është kapur për bukuri nga një telekamera dhe ndërkaq është duke bërë xhiron e botës përmes YouTube.

Bushi vizitoi Haitin së bashku me Clinton pasi ishte ngarkuar nga presidenti Barack Obama të koordinonin një fond për të ndihmuar rikonstruksionin e zonës. /shekulli/