Te semuret mendore, te paragjykuar nga shoqeria

Ne popullate ka jo vetem mungese informacioni lidhur me aspektet e shendetit mendor, por dhe paragjykime qe veshtiresojne jeten dhe integrimin ne shoqeri te personave me probleme te tilla, konstaton studimi ne nivel kombetar "Qendrimi i popullates mbi shendetin mendor ne Shqiperi", i realizuar nga Qendra e Zhvillimit te Shendetit Mendor, mbeshtetur nga Organizata Boterore e Shendetesise. Studimi u prezantua nga perfaqesuesja e QZHSHM, Erestina Boku, gjate ekspozites me punime pikture te personave me probleme te shendetit mendor. Qellimi i studimit eshte vleresimi i kendveshtrimeve te popullates, mbi ceshtje te shendetit mendor dhe mbi personat qe vuajne nga probleme te ndryshme te shendetit mendor. "Ideja per nje studim erdhi, pasi kohet e fundit po flitet shume per shendetin mendor, i cili nuk eshte nje ceshtje qe diskutohet vetem ne tryezat e mjekeve, por ka hyre ne diskutimet e perditshme, ne familje, apo dhe ne media", deklaroi. Boku. Sipas saj, studimi konstaton se "stigma dhe diskriminimi jane shkaqet kryesore te izolimit te personave me probleme te shendetit mendor dhe arsyeja kryesore e mosmarrjes se sherbimeve shendetesore te pershtatshme". Reduktimi i ketyre shkaqeve eshte pergjegjesi dhe detyre e te gjitheve, familjareve, profesionisteve, medias, e te gjithe shoqerise, e cila duhet t'i pranoje keta persona me probleme te shendetit mendor, rekomandon studimi.