Teatri i Kukllave shfaq premierën për fëmijë "Semi gjeti një këpucë"

Në Teatrin Kombëtar të Fëmijëve u shfaq premiera e "Semi gjeti një këpucë". Kjo pjesë teatrale për fëmijë vjen me regji të Bakie Baboçit, skenar të Naum Priftit dhe muzikë të Edmond Zhulalit. Regjizorja Baboçi pas shfaqes së premierës, u shpreh për mikrofonin e "Ora News" se ndihej e lumtur me rezultatet e para të shfaqes dhe falenderoi trupën e aktorëve.
Ndërsa drejtoresha e Teatrit kombëtar për fëmijë Klaudia Hila u shpreh se të gjithë komponentet e kësaj shfaqeje të çojnë tek suksesi.

Në këtë shfaqe interpretojnë aktorët, Jorida Meta, Donika Ramollari, Marilda Furxhi, etj. Kjo shfaqje do vazhdojë të jepet edhe në javët në vazhdim.