Tendosen marrëdhëniet Gjermani-Zvicër

Prej vitesh Gjermania dhe Zvicra po përpiqen të gjejnë ndonjë rrugë të përbashkët për luftimin e atyre, qe fshehin të dhënat për tatimet. Zgjidhje dukej afër, por këto ditë kanë shkallëzuar mosmarrëveshjet.

Rasti ka shqetësuar opinionet dhe ka shkaktuar debate të nxehta në verën e vitit 2010: hetuesit tatimorë nga Gjermania kanë bastisur dhe kontrolluar në mbarë vendin filialet e bankës "Credit Suisse".

Ato dyshoheshin për ndihmën e shtetasve gjermanë që të fshehin të dhënat e tyre për tatime. Rasti ka shkallëzuar pas aferës së zbuluar në landin e Nordhrein Westfalisë.

Ky land kishte blerë nga një person anonim një CD me të dhënat e personave, që nuk kanë paraqitur për tatime pasuritë dhe paratë e tyre në bankat zvicerane. Autoritetet gjermane kanë nisur procedurat kundër personave që gjendeshin në këtë CD për mashtrim fiskal.

Në anën tjetër, autoritetet e Zvicrës pohojnë se personat që i kanë siguruar ilegalisht këto të dhëna dhe ata që i kanë blerë kanë bërë vepër penale kundër sekretit bankar. Që të dy palët kishin rënë dakord për një marrëveshje, e cila duhet të futet në fuqi në vitin 2013, me të cilën parashikohej zgjidhja e këtij problemi.