Tension në Tunizi, nesër protestë pro-qeveritare

Ditën e nesërme në Tunizi do të zhvillohet një demonstratë pro qeverisë aktuale. Ftesat për pjesëmarrje në demonstratën mbështetëse të qeverisë, janë shpërndarë sot nga një grup i krijuar posaçërisht në rrjetin social facebook.

Sipas administratorëve, deri tani janë mbledhur me mijëra persona të cilët kanë konfirmuar pjesëmarrjen e tyre. Misioni i qeverisë së krijuar gjatë tranzicionit dhe pas largimit të presidentit Ben Ali, është të drejtojë Tunizinë drejt demokracisë.