Tepelenë, vetëvritet me armë 62-vjeçari grek

Burime zyrtare nga policia lokale bënë të ditur sot se shtetasi grek Ilia Kondajanis, 62 vjeç, i dha fund jetës në orët e para të mëngjesit të sotëm në banesën e tij, në një pallat  në lagjen Nr. 1 të qytetit të Memaliajt.

Sipas policisë,  viktima, i cili jetonte i vetëm në banesën e tij, ka vrarë veten me një pistolete.

Bëhet e ditur gjithashtu se 62-vjeçari vuante nga depresioni, pasi para dy vitesh i kishte vdekur bashkëshortja e tij, një shtetase nga Memaliaj.

Në trupin e viktimës nuk janë konstatuar shenja dhune.
/Start/E.B/

                                                                                             2011-09-18 12:41