Tërhiqet nga zgjedhjet kandidatja që bëri gafën me Islamin (VIDEO)

Një kandidate për zgjedhjet në Australi, që u bë objekt talljeje në rrjet për shkak se deklaroi se Islami është një shtet, ka dhënë dorëheqjen.

BBC raporton se Stephanie Banister, 27 vjeç, do garonte për partinë anti- emigracion Një Komb në Queensland.

Gjatë një intervistë, ajo ngatërroi edhe termin haram (e ndaluar) me Kuran.

Nëna e dy fëmijëve, që kishte vetëm 48 orë në politikë, tha se hebrenjtë i luten Jezu Krishtit.

Nuk e kundërshtoj Islamin si shtet, por mendoj se ligjet e tyre nuk duhet të pranohen këtu në Australi, tha ajo për Seven News.

Pasi deklaroi largimin nga zgjedhjet, ajo tha se intervista e saj ishte edituar, për ta bërë atë të duket budallaqe.

Ajo i kërkoi falje familjes, partisë dhe miqve.

Kryetari i partisë, Jim Savage tha se Banister vazhdon të ketë mbështetjen e plotë të partisë.

Ai tha se ajo ka qenë nën presion, përfshi kërcënimet ndaj familjes së saj.

Ajo nuk ishte favorite për zgjedhjet.

Nëna e dy fëmijëve u bë e njohur dhe i hyri politikës pasi u arrestua sepse u fut në një supermarket dhe vendosi ngjitëse me sloganin Ushqimet hallall financojnë terrorizmin tek produktet e kompanisë Nestle./ep