Teuta rimerr vendin e parë, Ndreu dorëhiqet nga Kastrioti
Flamurtari bën “autogol”. Vlonjatët barazojnë më Tomorin
Teuta rimerr kreun pasi ia la Tiranës për vetëm 24 orë. Durrsakët mposhtën si zakonisht me vetëm 1 gol diferencë rivalin e tyre, Laçin. Padyshim fatin e këtij takimi e vendosi kapiteni i Teutës, Arjan Sheta, që në minutën e 74-t shënon golin e fitores për durrsakët. Pas një kryesimi njëditorë nga Tirana, Teuta mposht minimalisht laçjanët dhe merr sërish vendin e parë. Ambiciet për titull të Kastriotit pësuan një goditje të rëndë, pasi një gol i vetëm në pjesën e dytë, i dhuroi Shkumbinit një fitore tërësisht të papritur në transfertë. Skuadra e Ndreut nuk arriti të ngjitej në asnjë moment në lartësinë e pritshmërive dhe pavarësisht pretendimeve të tyre për një vend në zonën europiane, nuk e vendosën pothuajse asnjëherë në vështirësi serioze ekipin peqinas. Si rrjedhojë, në përfundimin e takimit, trajneri krutan deklaroi dorëheqjen e tij të parevokueshme nga drejtimi i skuadrës. Diferencën në këtë ndeshje e bëri një gol nga jashtë zone i Gjatës, në të 55’, Ndonëse gjuatja nuk ishte e pakapshme, rënia në tokë e topit nxorri jashtë trajektores portierin Halilaj, pjesërisht fajtor në atë gol të pësuar. Pas kësaj Kastrioti u hodh i tëri në sulm, por rrezikoi të pësonte edhe golin e dytë. Shkumbini ngjitet në kuotën e 12 pikëve duke rritur shpresat për mbijetesë ndërsa Kastrioti mbetet në vendin e tretë me 18 pikë. Pogradeci ka bërë detyrën e shtëpisë ndaj Kamzës, duke e ftur 2-1 përballjen mes dy skuadrave, që janë debutuese këtë sezon në kategorinë superiore. Ky takim ishte thuajse fotokopje e përballjes së para disa javëve të zhvilluara mes këtyre dy ekipeve në Kupën e Shqipërisë. Pjesa e parë u mbyll në barazim 0-0. Por e dyta flet për pogradecarët që shënojnë dy gola. Nastovski realizon golin e parë në minutën e 59-të, më pas i vjen radha Drazhanit që minutën e 70-të të shënojë golin e dytë për Pogradecin. Ndërsa golin e vetëm për kamzalinjtë e realizon mesfushori Enri Tafaj në minutën e 82-të.
Superliga - Java X
Rezultatet
Dje
Bylis – Apolonia 2-1
Tirana – Dinamo 0-1
Vllaznia – Skënderbeu 0-2
Sot
Kastrioti – Shkumbini 0-1
Pogradeci – Kamza 2-1
Flamurtari – Tomori 1-1
Teuta – Laçi 1-0
Renditja
Skuadra N F B H P
1. Teuta 10 8 1 1 25
2. Tirana 10 6 2 1 23
3. Kastrioti 10 6 0 4 18
4. Skënderbeu 10 4 5 1 17
5. Flamurtari 10 5 2 3 17
6. Laçi 10 4 3 3 15
7. Vllaznia 10 4 2 4 14
8. Bylis 10 4 2 4 14
9. Kamza 10 4 1 5 13
10. Pogradeci 10 4 1 5 13
11. Shkumbini 10 3 3 4 12
12. Apolonia 10 2 2 6 8
13. Tomori 10 1 2 7 5
14. Dinamo 10 0 2 8 -1
Shënim: Dinamos i janë zbritur tri pikë nga UEFA