Thaci: Do luftojme korrupsionin me cdo kusht
Udheheqesit e institucioneve te Kosoves pranojne se ne Kosove ka korrupsion dhe krim te organizuar. Ata zotohen t`i luftojne keto dukuri ne cdo forme dhe me cdo mekanizem. Kryeministri i Kosoves, Hashim Thaci, premton bashkepunimin per luftimin e korrupsionit dhe krimit te organizuar. Ai shprehet se qeveria do te bashkepunoje me te gjithe faktoret relevante ne Kosove per luftimin e korrupsionit dhe krimit te organizuar, kurse lufta ndaj ketyre fenomeneve nuk do te jete e motivuar politikisht. Keto komente, ai i beri dje ne konferencen e organizuar nga Agjencia Evropiane per Rindertim, ku u prezantua projekti "Fuqizimi i kapaciteteve kosovare per luftimin e pastrimit te parave dhe korrupsionit". Sic theksojne mediat kosovare, Thaci shton se lufta kunder korrupsionit nuk do te jete e motivuar politikisht. Krimi i organizuar ne Kosove eshte nje fenomen i cilesuar si kanceri i shoqerise, qe eshte shtrire gjithandej vendit. Autoritetet ne Prishtine, thone se te gjithe mekanizmat duhen angazhuar maksimalisht qe ky fenomen te zhduket nga shoqeria. Autoritetet nderkombetare ne Kosove, thone se institucionet e Kosoves kane nje sfide te madhe perpara me luftimin e korrupsionit dhe krimit te organizuar dhe ne kete linje inkurajojne institucionet kosovare, qe te perdorin te gjithe mekanizmat dhe ta luftojne kete dukuri negative. "Ekonomia informale nuk eshte nje fenomen qe zhvillohet vetem ne vendet e pazhvilluar apo vendet ne tranzicion, por ky fenomen eshte i shtrire edhe ne vendet e zhvilluara, natyrisht ne mase me te vogel por gjithsesi eshte nje fenomen qe shqeteson edhe vendet e zhvilluara", deklaron Renco Davidi, kryesues i zyres nderlidhese te Komisionit Evropian ne Kosove, duke shtuar se, pervoja e ketyre vendeve ne luften kunder korrupsionit dhe krimit te organizuar do te ndihmoje autoritetet ne Prishtine. Per autoritetet e Prishtines problematike ne kete faze eshte luftimi i krimit te organizuar dhe kontrabandes se mallrave ne pjesen veriore te Mitrovices. Dy pikat doganore ne kufirin verior me Serbine, jane ende jashte kontrollit te institucioneve te Kosoves. Ne keto dy pika kufitare jane vendosur forcat paqeruajtese, por ato nuk jane te obliguara qe te kontrollojne mallrat qe hyjne nga Serbia ne Kosove. Sipas udheheqesve politik kosovare, nga keto dy pika kufitare po zhvillohet kontrabande, ku jane te perfshire serbe dhe shqiptare dhe demet qe i jane shkaktuar buxhetit te Kosoves jane mbi 40 milione euro.