Thyerja e etikes reagon ambasada amerikane

E ndërkohë që kësaj fushate sikur të mos i mjaftonin fyerjet dhe denigrimi i ndërsjelltë, vërehet me shqetësim përpjekja për të përfshirë në të dhe personalitete të përfaqësive diplomatike në vendin tonë.

Rasti më i fundit ku në një të përditshme është fyer me shprehje raciste dhe aspak etike, ambasadori i Shteteve të Bashkuara përbën një rast të paprecedent i cili nuk mund të përfaqësojë kulturën dhe ndjenjat e shqiptarëve.

Në një letër drejtuar kësaj të përditshmeje, ambasada e Shteteve të Bashkuara thekson se ndërpret marrëdhëniet profesionale me gazetën, deri në një njoftim tjetër. Shkak për këtë vendim është bërë një shkrim ku përdoren fyerje raciste në adresë të ambasadorit Arvizu. Në letrën e ambasadës thuhet se Shtetet e Bashkuara të Amerikës mbështesin një media të lirë, të pavarur dhe kritike.