Tirana Dimraj Ska largime po mendojme perforcimet

Shefi i klubit Rauf Dimraj ka garantuar se Tirana nuk rrezikohet nga shperberja. Ai theksoi se synimi i klubit eshte titulli kampion dhe po mendohet qe ne merkaton e janarit te behen perforcime te tjera. Nisur nga situata e paqendrueshme financiare te bardheblute ekziston mundesia qe futbollistet e formacionit titullar te largohen nga ekipi gjate merkatos se janarit. Pike se pari dua te them qe ne kampionatin shqiptar ka klube te tjera te cilat kane shume me teper probleme serioze se sa klubi i Tiranes i cili ka qene ne qender te vemendjes nga mediat dhe qe nuk jane marre fare ne konsiderate. Te ne nuk do te kete largime te futbollisteve kryesore te ekipit. Madje ne po mendojme qe te perforcohemi ne merkaton e janarit. Synimi yne eshte qe te forcojme grupin per te realizuar objektivin tone kryesor i cili eshte titulli kampion. Po mendojme per fazen pergatitore dhe trajtimin sa me mire te futbollisteve per sa i perket ushqimit ne menyre qe ata te kene nje rendiment sa me te mire ne fushe ka pohuar Dimraj. Nderkohe zerat qe Pejic dhe Plaku mund te largohen jane shtuar.