Tirana në epokën e internetit dhe të kabllove
Tiranë Kryeqyteti i Shqipërisë mund ta meritojë pa frikë nofkën kryeqyteti i kabllove. Shtyllat elektrike, pemët, pallatet dhe çdo objekt tjetër që bën hije mbi dhe, janë të lidhura nga një rrjetë gjigande telash e kabllosh elektrikë, interneti apo telefoni. Një panoramë më shumë se e shëmtuar, kjo rrjetë merimange që pështillet mbi kokat e njerëzve është edhe e rrezikshme. Zjarrfikësit thonë se ato përbëjnë një pengesë shumë të madhe për operacionet e shpëtimit, në raste emergjencash në ndërtesat e larta.
Ndryshe nga vendet e tjera europiane ku linjat telefonike apo elektrike futen nënë tokë, në qytetet shqiptare, e veçanërisht në Tiranë, ato nderen sipër kokave tona.
Një qytet me infrastrukturë mjerane mbi dhe nëntokësore, u gjet në mënyrë të beftë në epokën e modernizimit dhe internetit, duke përjetuar në mënyrë të trishtë epokën e kabllove.
Çdo kush që kërkon të marrë linjën e telefonit dhe internetit në shtëpi, zyrë apo dyqan duhet të paguajnë shtrirjen e dhjetra metrave kabëll nga njëra pemë tek tjetra, nga njëri pallat tek tjetri e nga njëra shtyllë tek tjetra. Ndërtesat vazhdojnë të ngrihen ende pa një sistem qëndror telefoni e internti të instaluar brenda godinës.
Por cila do te jëtë e ardhmja? A do të ketë fund kjo pamje e shëmtuar dhe e rrezimkshme? A do të mundet ndonjëherë që këto lëmshe të mëdha telash të shtrihen nën tokë?
Kjo mesa duket nuk është ende një çështje në diskutim. Tani jemi në epokën e internetit dhe do të vazhdojmë të dendësojmë rrjetën e kabllove mbi kokat tona.
Kliti Topalli / IDEA
Shkrime të tjera me interes: