Tirana, reshjet e shiut shkaktojne permbytje

Ndonese reshjet e debores kane shkaktuar probleme ne qarqet kryesore te vendit, ne Tirane floket e adhurueshem vazhdojne te mbeten ende nje enderr. Ata me te paduruarit kane preferuar te ngjiten deri ne Dajt, megjithe terrenin e papershtatshem, megjithate te tjeret jane detyruar te perballen vetem me reshjet e shiut, te cilat kane shkaktuar permbytje. Ne rruget e Tiranes, ne ato kryesore dhe dytesore, jane shkaktuar probleme. Sidomos nje gje e tille ka ndodhur ne lagjet ku ka probleme me kanalizimet, si dhe me pusetat. Megjithate, sinoptikanet parashikojne nje stabilizim te motit si dhe nderprerjen e reshjeve te shiut ne Tirane, si dhe te debores ne rrethe. Por, nga ana tjeter ne do te perballemi me temperatura mjaft te uleta minimale dhe maksimale. Gjate dites se djeshme reshjet kane vazhduar deri ne oret e vona te mbremjes, duke shkaktuar probleme ne qarkullimin rrugor. Nisur nga kjo, specialistet e emergjencave civile kane dhene keshillat perkatese sidomos per zonat ku kane rene reshje bore.