Tirana te kete skulpturen post moderne ne parqe

Mungesa e skulpturës urbane në kryeqytet është e dukshme. Ky është shqetësim i kahershëm i artistëve. Ardian Isufi mendon se ka ardhur koha që edhe Tirana të ketë më shumë prezente skulpturën post moderne në parqe, çka i shkon përshtat edhe ndërtesave shumëkatëshe të një metropoli.

Vendosja e monumenteve historike së fundmi, sipas Isufit duhet të jetë shumë e menduar dhe jo çdo shtatore duhet të vendoset domosdoshmërisht në qendër.

Isufi na jep edhe një shembull të një skulpture krijuar një dekadë e gjysmë më parë, e cila mund të aplikohet më së miri në një fasadë.

Prurjet në këtë fushë nuk mungojnë, por shpesh ato qëndrojnë të mbyllura ose në vende të izoluara , për shkak të mos gjetjes së një hapësire të duhur edhe pse ka plot parqe dhe lulishte para pallateve dhe komplekseve të cilat qëndrojnë bosh.