Tirane/ Plagoset nje polic tek 21 dhjetori

Një polic është plagosur sot në mesditë në zonën e “21 Dhjetorit” në Tiranë.

Efektivi i Komisariatit numër 2 Dëfrim Musai, 45 vjeç është qëlluar me armë zjarri nga disa persona me motor dhe të maskuar.

Sipas informacioneve të para, plagosja ka ndodhur si pasojë e një tentative grabitjeje gjatë transportimit të parave.

I plagosuri është dërguar menjëherë në Spitalin Ushtarak, ndërsa autorët e ngjarjes janë tashmë në kërkim nga policia.