Tiranë, arrestohen dy të rinj për vjedhje makinash

Arrestohen në Tiranë dy persona të dyshuar për vjedhje të automjeteve, pasqyrave dhe kasetofonave. Burime nga policia bëjnë me dije se janë arrestuar shtetasit K.Çollaku, 17 vjeç, i dënuar më parë disa herë për vjedhje dhe A.Lataj, 16 vjeç, të dy banues në Babrru.

Arrestimi i tyre u bë pasi mbrëmë në Rrugën e Barrikadave, Tiranë kanë tentuar vjedhjen e automjetit të markës Mercedes-Benz, me ngjyrë të zezë, me targë AA502DI, në pronësi të një shtetaseje.

Nga hetimet e kryera deri më tani mbi këto dy të mitur, rezultoi se janë të përfshirë edhe në një sërë vjedhjesh të tjera të (automjeteve si të pasqyrave dhe kasetofonash).

Materialet hetimore në ngarkim të tyre i kaluan Prokurorisë së Rrethit Gjyqësor Tiranë, për konsumim të veprës penale të Vjedhjes e realizuar në bashkëpunim.