Tiranë, i vë zjarrin banesës së vëllait, pas një konflikti pronësie

TIRANË- Zjarr në një banesë në Tiranë pranë ish-stacionit të fundit itë Tiranës së Re. Bëhet fjalë për një zjarrvënie të qëllimshme, pas një konflikti pronësie mes dy vëllezërve. Në orët e para të ditës së sotme 33-vjecari Everest Ymeri i ka vënë zjarrin qëllimisht banesës së vëllait të tij, duke shkaktuar panik edhe tek banorët e zonës përreth.

Policia e mbërritur në vedngjarje ka bërë shoqërimin e tij, ndërsa zjarrfëikësit kanë mundur të shuajnë flakët në katin e dytë të banesës 3-katëshe. Fatmirësisht dëmët ishin vetëm materiale.

Sipas burimeve të policisë, 33-vjecari fillimisht ka nxjerrë nga shtëpia e vëllait, mobiljet, duke i hedhur nga ballkoni, e më pas i ka vënë flakën asaj.
(m.a/BalkanWeb) Lidhje te tjera FOTO: Tiranë, konflikt pronësie, i vë zjarrin banesës së vëllait