Tirane tritol makines se doganierit
Ngjarja ndodhi rreth ores 0430 te mengjesit ne zonen e Brrylit ne Tirane. Burime nga policia thane se automjeti qe ka shperthyer eshte i markes Mercedez Benz me targe TR 9822 K. Makina i perket Perparim Allkes i punesuar ne Drejtorine e Doganave ne kryeqytet si inspektor ne njesine e Antikontrabandes. Automjeti ishte i parkuar poshte nje pallati ne zonen e Brrylit perballe maternitetit Koco Gliozheni ku banon inspektori Allka me familjen e tij. Menjehere pasi ka konstatuar ate qe kishte ndodhur me automjetin e tij inspektori i doganave ka lajmeruar policine e kryeqytetit dhe nje grup ekspertesh nga Komisariati nr.4. Ne vendngjarje ka mberritur edhe njesia Antieksploziv per te kryer veprimet e para hetimore. Sipas policise nga verifikimet e kryera ne vendin e ngjarjes dyshohet se shperthimi mund te kete ndodhur nga konsumimi i baterise se mjetit e cila ka shkaktuar shkendije elektrike. Pas qarkut te shkurter ekspertet dyshojne se pjesa e perparme e makines ka marre flake mesa duket e favorizuar nga lloji i karburantit benzine. Burime te rezervuara nga grupi hetimor thane se nuk perjashtohet edhe mundesia e vendosjes se ndonje sasie eksplozivi ne pjesen e perparme te makines. Automjeti i demtuar eshte terhequr nga vendi i ngjarjes me karrotrec per tu ekzaminuar me hollesi nga ekspertet e policise. Ata pritet te dalin ne nje konkluzion konkret diten e sotme ne lidhje me ate qe ka ndodhur me makinen e punonjesit te Antikontrabandes. I tensionuar per ate cka i kishte ndodhur makines prane shtepise se tij inspektori Perparim Allka nuk ka pranuar te jape asnje sqarim per median. Ai ka thene se ia ka lene ne dore policise sqarimin e rrethanave te ngjarjes. Sipas policise automjeti eshte demtuar ne pjesen me te madhe te tij. Shperthimi i ka nxjerre jashte perdorimit motorin duke shkaterruar edhe kofanon dhe xhamin e pare. Nga keqyrja e pare qe iu be mjetit nuk rezultoi te kishte bloze qe mund te lere tymi i shkaktuar nga flaket gje qe deri diku mohon qe makina te jete perfshire nga flaket duke perforcuar pisten e venies se lendes plasese. Sulmohen kambistet ne Tufine 25 mije euro shpetojne nga grabitja
TIRANE - Tre persona te armatosur kane sulmuar mbreme dy kambiste babe e bir me qellim per tu grabitur shumen e parave qe kishin me vete. Ngjarja ka ndodhur rreth ores 2130 ne zonen e Tufines ne Tirane. Sipas burimeve nga policia mesohet se dy kambistet po ktheheshin ne banesen e tyre dje ne mbremje kur jane perballur me tre personat e armatosur. Keta te fundit kane tentuar te grabisnin dy te demtuarit Tosh dhe Mark Vata babe e bir mes tyre por kambistet kane kundershtuar te dorezojne parate. Per kete shkak mes tre autoreve te krimit dhe dy kambisteve ka pasur nje perleshje fizike. Fatmiresisht autoret e ngjarjes nuk kane qelluar me arme por jane perpjekur tu marrin kambisteve me force nga duart canten ku mbanin plot 25 mije euro. Ne perleshje e siper ngjarja ka terhequr vemendjen e banoreve te zones ndersa ka qene edhe njeri prej kambisteve qe ka arritur te njoftoje policine. Forcat e rendit jane nisur drejt vendit te ngjarjes nderkohe qe babe e bir u kane bere rezistence grabitesve duke arritur te shpetojne shumen prej 25 mije eurosh para te grumbulluara nga aktiviteti i dites si dhe shuma qe i kishin marre me vete per kembim dje ne mengjes kur kane dale per ne pune. Policia tha se tre autoret e ngjarjes jane larguar sapo kane kuptuar mberritjen e forcave te rendit. Nderkohe dy kambistet Tosh e Mark Vata kane pesuar lendime te lehta fizike gjate perleshjes. Ata jane derguar ne spital per ndihme mjekesore ku ndodhen jashte rrezikut per jeten.
Etleva Delia