Tiranë, vritet farmacistja, ekzekutohet një tjetër grua te 'Komuna e Parisit'
TIRANE - Një 35-vjeçare ka humbur jetën pasditen e sotme, pasi u qëllua me armë zjarri pak metra larg banesës së saj, në periferi të kryeqytetit.
Ngjarja ka ndodhur rreth orës 18:40 në Shkozë, teksa 35-vjeçarja me profesion farmaciste ishte duke u kthyer në shtëpi.
Mësohet se viktima Eleni Basho, nënë e një fëmijë, është qëlluar me 3 plumba, ndërsa nuk ka të dhëna për shkaqet e ngjarjes së rëndë.
Sipas burimeve të policisë, dyshohet se autorë të krimit janë dy persona, të cilët janë larguar menjëherë nga vendngjarja të favorizuar edhe nga errësira.
Burime nga vendngjarja bënë të ditur se gruaja është gjetur e plagosur rreth 30 metra larg banesës së saj dhe është nisur menjëherë për në spital, por humbi jetën gjatë rrugës për shkak të plagëve të rënda.
Paraprakisht, policia ka përjashtuar mundësinë e një krimi brenda familjes, pasi bashkëshorti i viktimës ndodhej në punë në momentin e ngjarjes.
Policia vijon hetimet intensive ndërsa aktualisht janë duke u marrë në pyetje të gjithë dëshmitarët dhe familjarët e viktimës.
Një grua ekzekutohet me armë zjarri tek “Komuna e Parisit”
Një tjetër vrasje ka ndodhur mbrëmjen e sotme, rreth orës 21:30 në kryeqytet. Ngjarja e rëndë ka ndodhur në zonën e njohur si “Komuna e Parisit”, ku një tjetër grua ka humbur jetën pasi është qëlluar me armë zjarri.
Aktualisht nuk ka të dhëna për identitetin e viktimës apo autorët e ngjarjes, ndërsa policia mbërriti në vendngjarje dhe nisi hetimet.
Burime nga vendngjarja bënë të ditur se viktima u qëllua brenda makinës së saj me targa të Tiranës 3134 R, nga një person i cili në tentativë për t’u larguar ka pësuar një aksident. Ende nuk dihet nëse autori është larguar pas aksidentit, ndërkohë që pritet deklarata e policisë për të sqaruar detajet e ngjarjes.
(er.nu/BalkanWeb) Lidhje te tjera FOTO: Pamje nga vrasja në Shkozë
Ngjarja ka ndodhur rreth orës 18:40 në Shkozë, teksa 35-vjeçarja me profesion farmaciste ishte duke u kthyer në shtëpi.
Mësohet se viktima Eleni Basho, nënë e një fëmijë, është qëlluar me 3 plumba, ndërsa nuk ka të dhëna për shkaqet e ngjarjes së rëndë.
Sipas burimeve të policisë, dyshohet se autorë të krimit janë dy persona, të cilët janë larguar menjëherë nga vendngjarja të favorizuar edhe nga errësira.
Burime nga vendngjarja bënë të ditur se gruaja është gjetur e plagosur rreth 30 metra larg banesës së saj dhe është nisur menjëherë për në spital, por humbi jetën gjatë rrugës për shkak të plagëve të rënda.
Paraprakisht, policia ka përjashtuar mundësinë e një krimi brenda familjes, pasi bashkëshorti i viktimës ndodhej në punë në momentin e ngjarjes.
Policia vijon hetimet intensive ndërsa aktualisht janë duke u marrë në pyetje të gjithë dëshmitarët dhe familjarët e viktimës.
Një grua ekzekutohet me armë zjarri tek “Komuna e Parisit”
Një tjetër vrasje ka ndodhur mbrëmjen e sotme, rreth orës 21:30 në kryeqytet. Ngjarja e rëndë ka ndodhur në zonën e njohur si “Komuna e Parisit”, ku një tjetër grua ka humbur jetën pasi është qëlluar me armë zjarri.
Aktualisht nuk ka të dhëna për identitetin e viktimës apo autorët e ngjarjes, ndërsa policia mbërriti në vendngjarje dhe nisi hetimet.
Burime nga vendngjarja bënë të ditur se viktima u qëllua brenda makinës së saj me targa të Tiranës 3134 R, nga një person i cili në tentativë për t’u larguar ka pësuar një aksident. Ende nuk dihet nëse autori është larguar pas aksidentit, ndërkohë që pritet deklarata e policisë për të sqaruar detajet e ngjarjes.
(er.nu/BalkanWeb) Lidhje te tjera FOTO: Pamje nga vrasja në Shkozë