Titujt e pronesise ne qarkun e Durresit i bllokuar komisioni i verifikimit

 Komisioni i verifikimit të titujve të pronësisë në prefekturën e Qarkut Durrës, i ngarkuar për të marrë në shqyrtim të gjitha ankesat që vijnë nga njësitë vendore të këtij qarku, është bllokuar që prej tre muajsh

Mosfunksionimi i komisionit sipas prefektit të qarkut Durrës, Genci Alizoti, ka ardhur për shkak se pritet miratimi i një tjetër ligji në parlament.

Qarku i Durrësit është qarku me më shumë probleme në lidhje me regjistrimin e tokave të ndara sipas ligjit 7501, kryesisht në bashkinë e Sukthit, komuna Rashbull, Xhafzotaj dhe disa njësi vendore në Krujë.

Komisioni i verifikimit të titujve të pronësisë pritet të rifillojë së shpejti nga puna, ndërkohë që në shumë vende problemet në lidhje me ndarjen e tokës dhe regjistrimin e saj në hipotekë, janë të llojeve të ndryshme.