Kryeministri Kurban Bajrami kjo dite ti gjeje shqiptaret me te begate

“Uroj që kjo ditë t’i gjejë shqiptarët vitin e ardhshëm më të begatë, më të lirë dhe më të sigurt”.

Ky ka qenë urimi që Kryeministri Sali Berisha, ka bërë publikisht për të gjithë në ditën e Kurban Bajramit, pas një vizite në Komunitetin Mysliman.

“Në këtë ditë të shenjtë u dërgoj besimtarëve myslimanë, por edhe gjithë besimtarëve të Zotit, urimet e mia më të sinqerta.

Urimet më të mira shqiptarëve në këtë ditë sakrifice”, tha ai.

Kjo festë sipas tij, sinjifikon sakrificën për një jetë më të mirë dhe sakrificën në rrugën e ndërtimit të së mirës.