Tomori, vetem 7 futbolliste ne stervitje
Skuadra e Tomorit vazhdon stervitjen me vetem nje seance ne dite. Ndryshe nga vitet e kaluara, drejtuesit nuk po munden te gjejne menyren e vazhdimit te fazes pergatitore jashte Beratit, si ishte parashikuar me pare. Kjo me sa duket per shkak te mungesave financiare (bashkia ka miratuar nje fond per fazen pergatitore), qe nuk lejon qe skuadra te niset drejt Corovodes. Tani kur pothuajse kane "trokitur ne dere" ndeshjet e Kupes se Republikes dhe ato te kampionatit, Tomori, duket i papergatitur edhe sepse nuk ka zhvilluar takime miqesore te veres, qe sherbejne si teste per te pare gjendjen e skuadres. Takimet miqesore jane te domosdoshme per stafin teknik ne kete periudhe, ndersa Tomori ka zhvilluar vetem nje te tille me Naftetarin e Kucoves ne Berat dhe pavaresisht fitores 1 0, loja e beratasve nuk ka "ngrohur" aspak. Tomori, nderkaq nuk ka te kristalizuar ende formacionin kryesor dhe kjo vjen nga qe stafi teknik akoma eshte duke eksperimetuar. A thua se tek Tomori ka dyndje lojtaresh te nivelit te larte dhe tekniku eshte ne dileme, pasi nuk di ke te perzgjedhe me pare? Por, ajo qe duhet theksuar, eshte se ne Berat, vene e vijne shume futbolliste, qe provohen, por asnjeri prej tyre, duket se nuk i ka plotesuar kerkesat e teknikut Kristaq Mile. Gjithsesi me keto pergatitje beratasit jane shume prapa; madje flitet per nje lloj demoralizimi te stafit teknik, qe duket se eshte bere me dhimbje koke nga mungesa e dukshme e futbollisteve me pervoje dhe cilesore, duke shtuar dhe faktin se ky staf eshte zhgenjyer nga testimet me kronometer, ne vecanti ne vrapimin e 3200 m., ndryshe ne testin me te rendesishem, ate te rezistences, qe nuk e ka realizuar asnje nga futbollistet e ardhur per prove. Pra, ndryshe nga ajo qe deklarohet nga stafi teknik, ne te vertete realiteti eshte tjeter. I pyetur rreth moszhvillimit te faze pergatitore jashte Beratit, tekniku Mile eshte pergjigjur: "S'kemi ku te vemi. Eshte turp te nisemi me kete perberje, keshtu qe me mire te punojme ne Berat se sa te harxhojme kot leket", ka mbyllur shkurt e qarte tekniku Mile. Keshtu pas ketyre fjaleve duket sikur perligjet shqetesimi qe ka perfshire opinionin futbolldashes te Beratit qe pret me shume pune nga stafi dhe nga vete skuadra. Pra Tomori ndodhet ne mes te hallakatjeve te shumta, te cilat kane demoralizuar edhe stafin drejtues. Ne fillim te kesaj jave ne stervitje kane dale vetem 7 futbolliste. Ne dy ditet e para, (te henen dhe te marten), nuk ka qene as tekniku Mile, por dhe asistenti i tij Theodhor Arberi, qe me te mberritur ne stadium, duke pare shume pak futbolliste, ka marre rrugen e kthimit per ne shtepi. Kohe me pare tekniku Mile eshte shprehur se do punonte dhe pa leke per te mbajtur kete ekip. Tani qe kushtet jane plotesuar, sepse bashkia ka percaktuar nje shume te konsiderueshme per pergatitoret dhe fazen e pare, tekniku Mile mungon, thuajse ne me te shumtat e seancave stervitore.
EDI SPAHIU