Toni Bler merret sërish në pyetje për luftën në Irak

Ish-kryeministri britanik, Toni Bler, do të ballafaqohet sot prapë me pyetje për rolin e tij në dërgimin e trupave britanike në luftën në Irak, më 2003.

Kjo është paraqitja e dytë publike e Blerit para ekipit hetues.

Ai pritet të pyetet rreth disa mospërputhjejeve të dukshme ndërmjet llogarisë së tij të mëparshme dhe disa dokumenteve zyrtare.

Në paraqitjen e tij të parë para një viti, Bler u tha hetuesve se nuk ndjen keqardhje lidhur me operacionet ushtarake për rrëzimin e Sadam Huseinit.

Bler ka thënë se udhëheqësi irakian ishte kërcënim për botën dhe se duhej të largohej ose të çarmatosej.