Toni: Unë me Kualjarelën dhe Lavecin? Pse jo...?

“Po kaloj një situatë jo fort të këndshme te Bajerni. Të shohim se çfarë do të ndodhë gjatë këtyre muajve. Një rikthim i mundshëm në Itali?Ajo është zgjedhja ime e parë dhe dua të përdor të gjitha mundësitë e mia për të luajtur në Kampionatin Botëror”, u shpreh 32-vjeçari.

Në lidhje me hipotezat për një transferim të mundshëm te Napoli gjatë merkatos së janarit, Toni tha: “Një “tridhëmbësh” me Lavecin dhe Kualjarelën? Nuk do të ishte keq. Fabio është një lojtar i mirë dhe Lavecin e njohin të gjithë”.

Në fund, sulmuesi i Kombëtares italiane iu përgjigj edhe pyetjes nëse nerr një telefonatë nga presidenti i Napolit, De Laurentis: “Napoli është një skuadër e mirë dhe presidenti dëshiron të bëjë gjëra të mëdha. Tifozët gjithashtu janë fantastikë. Por, të shohim se ç’do të ndodhë, është ende herët për të folur”.