Topalli, mbledh sot Kuvendin per Kosoven
Shpallja e pavaresise se Kosoves do te mbledhe sot, ne seance te jashtezakonshme plenare, Kuvendin e Shqiperise. Zyrtarisht nga Kuvendi behet e ditur se sot ne oren 14:30 do te mblidhet seanca plenare, jashte rendit te dites, per te percjelle ne menyre te drejtperdrejte nepermjet monitoreve momentet e shpalljes se pavaresise se Kosoves. Mesohet se dera e Kuvendit do te jete e hapur per publikun, mediat, te rinjte, personalitetet e artit dhe kultures, te cilet do te ndjekin kete moment te rendesishem per shtetin e ri te Kosoves, drejtperdrejt nga salla e legjislativit shqiptar. Ne baze te rregullores, Kuvendi mblidhet ne seance cdo dite hene pasdite dhe te enjte. Por, perjashtime thirrja e seances jashte radhe, lejohet ne rast te evenimenteve te jashtezakonshme, si konsiderohet pavaresia e shumepritur e Kosoves. Ne gatishmeri jane edhe deputetet, ne pritje te nje kerkese nga Kryetarja e Kuvendit, Jozefina Topalli, e cila ndodhet ne Tirane. Sipas te dhenave, nga Kuvendi nuk eshte nisur asnje delegacion zyrtar per ne Prishtine. Deputetet, qe nuk kane dashur te humbin momentin e shpalljes se pavaresise, mesohet se jane nisur privatisht per ne Kosove, por pa bere asgje zyrtare. Diten e djeshme ka pasur nje fluks te madh makinash qe udhetonin nga Shqiperia per ne Kosove, e per disa minuta kufiri ka qene i bllokuar per shkak te fluksit te madh. R.R