Topalli ne KE, vleresime per permiresimet ne Kushtetute

Presidenti i Asamblese Parlamentare te Keshillit te Evropes, Luis Maria de Puig, vleresoi dje konsensusin mes partive politike shqiptare per ndryshimin e Kushtetutes dhe reformat e realizuara. Vleresimet De Puig ja dha dje personalisht Kryetares se Kuvendit, Jozefina Topalli, e cila ndodhet ne Strasburg, ne Konferencen e Kryetareve te Parlamenteve te vendeve anetare ne BE. "Ne i konsiderojme te admirueshme ndryshimet kushtetuese, te cilat u arriten me nje konsensus te gjere te parlamentit, cka i jep me shume stabilitet nje vendi demokratik", tha De Puig. Sipas presidentit te asamblese parlamentare te KE, Shqiperia ka bere hapa para ne reformat ekonomike dhe ndryshimet legjislative. Nga ana e saj kryetarja Topalli, e falenderoi jo vetem per organizimin e Konference ne te cilen marrin pjese te gjithe Kryetaret e Parlamenteve te 47 vendeve dhe qe ka nje rendesi dhe peshe te madhe ne jeten parlamentare dhe politike te Evropes, por edhe per mundesine e dhene, qe sot, te flas ne emer te shqiptareve dhe te nje demokracie te re. "Do te kem mundesine te flas per progresin e Shqiperise, por edhe per faktin se si parlamentet me te forta bejne demokracite me te forta, si dhe per ato vlera, per te cilat Keshilli i Evropes na ka mbeshtetur ne 17 vite", tha Topalli.