Topalli takim me maturantët në Shkodër

Pasi kanë mbyllur të katër provimet, maturantët më të mirë të kryqytetit janë pritur në një takim nga kryetarja e Kuvendit Jozefina Topalli.

Ndërsa në vijim të këtyre takimeve zonja Topalli është takuar me maturantët e gjimnazit “28 nëntori” në Shkodër, në të cilën ka studiuar edhe vetë.

Gjatë fjalës së saj para maturantëve zonja Topalli ka nënvizuar se është shkolla ajo që hap dyert e jetës ndërsa me përfundimin e shkollës së mesme gjimnazistët kanë shansin e tyre për të marrë drejtimin e tyre në fusha të ndryshme studimi.
 

Si një ish-nxënëse e këtij gjimnazi, Kryetarja e Kuvendit vlerësoi se kjo ditë për këta të rinj dhe të reja është me siguri një ndër ditët më të bukura të jetës së tyre.