Topi: Politika, larg gjyqesorit

Presidenti Bamir Topi pergezoi dje gjashte anetaret e rinj te Gjykates se Larte, duke i keshilluar te qendrojne larg pushtetareve e ndikime te politikes ne ushtrimin e detyres se tyre. Gjate ceremonise se betimit ne Presidence per marrjen e mandatit 9-vjecar nga te zgjedhurit e Topit, kreu i shtetit saktesoi se ata duhet te punojne me dinjitet dhe profesionalizem. "Ne punen tuaj te mos lejohen interferenca nga pushtete te tjera dhe as nga emra te pervecem pushtetaresh, interesat e te cileve preken apo marrin zgjidhje ne Gjykaten e Larte. Varesia juaj e vertete nuk mund te jene preferencat politike, edhe pse Kuvendi miratoi emrat tuaj, por vetem nga Kushtetuta dhe ligjet", nenvizoi Topi. Nga ana tjeter, presidenti nuk la pa permendur dhe procesin e perzgjedhjes se tyre, mes 105 emrave. Proces qe heren e pare i kushtoi kreut te shtetit, rrezimin ne Kuvend te pese propozimeve te bera pasi mazhoranca e vleresoi procesin e dorezimit jo te drejte. "Procesi i perzgjedhjes dhe zgjedhja juaj ne kete detyre te rendesishme u shoqerua jo vetem nga transparenca dhe konsulenca cilesore prej eksperteve shqiptare dhe partnereve nderkombetare", u shpreh Topi. Sipas tij, kriteret e standardet profesionale dhe jo vleresimet e politizuara e te nxituara, e ne ndonje rast edhe emocionale, duhet te shoqerojne dhe kurorezojne procese te tilla kushtetuese dhe institucionale. "Duke dhene nje imazh nderveprimi dhe jo marredheniesh paragjykuese, qe mund te percjellin ne menyre te pashmangshme efekte negative ne opinionin publik dhe ne vecanti ne komunitetin e gjyqtareve te interesuar e te angazhuar ne rritjen e efektshmerise, pavaresise dhe integritetit te pushtetit gjyqesor", vijoi presidenti. Para mbylljes se fjales se tij pershendetese, kreu i shtetit nuk harroi t'u vere ne dukje anetareve te rinj se gjykata eshte garanti i funksionimit te shtetit ligjor dhe i mbrojtjes se lirive dhe te drejtave te njeriut. Sipas tij, respekti per institucionet e drejtesise duhet te tregohet jo formalisht, apo nepermjet retorikes politike, por nepermjet vullnetit te paster politik per reforma te gjera e te thella ne vazhdimesi, me pergjegjshmeri, vleresim profesional dhe etike te komunikimit qytetar. "Per te prodhuar nje imazh te forte publik per nje drejtesi te pa korruptuar, per te cilen jemi te uritur", theksoi Presidenti.

Me pas anetaret e rinj te Gjykates se Larte Arjana Fullani, Aleksander Muskaj, Evelina Qirjako, Guxim Zenelaj, Majlinda Andrea dhe Andi Celiku moren dekretet e anetareve te rinj. Rozeta Rapushi