Topi Presionet Nuk terhiqem

Presidenti i Republikes Bamir Topi ne nje interviste per Zerin e Amerikes ka komentuar situaten politike marredheniet me kryeministrin Berisha dhe kryetaren e Kuvendit Topalli si edhe paktin e ujrave me Greqine.

Duke folur per ceshtjet politike sic eshte rrezimi i dekreteve apo polemikat e tjera per gjyqtaret presidenti pranoi indirekt presionet politike nga mazhoranca por deklaroi se nuk terhiqet dhe se ka respektuar vetem Kushtetuten.

Presidenti asnjehere nuk eshte intimiduar nga kritikat dhe presionet politike dhe do te vazhdoj te ushtroj me gjakftohtesi profesionin deri ne perfundimin e mandatit eshte shprehur Topi.

Duke folur per marreveshjen per ujerat me Greqine Topi theksoi se jane disa rruge qe mund te ndiqen per zgjidhjen e mosmarreveshjes mes dy vendeve.

Ka disa rruge te mundshme qe mund te ndiqen por duhet te merret parasysh edhe vendimi i Gjykates Kushtetuese te Shqiperise qe konsiderohet edhe si garant i Kushtetutes. Nje nga keto rruge te con ne zgjidhjen e ceshtjes ne Gjykaten Nderkombetare theksoi Topi.