Topi nderohet me titullin Doctor Honoris Causa

Senati i Universitetit Shtetëror të Tetovës, miratoi vendimin për dhënien e titullit "Doctor Honoris Causa", Presidentit të Shqipërisë, Bamir Topi. Kjo ceremoni do të mbahet më 15 prill 2010, (e enjte), në orën 12.00, në Amfiteatrin e Rektoratit të USHT-së.
Në këtë aktivitet janë ftuar të marrin pjesë personalitete nga jeta akademike, shkencore, shoqërore dhe politike në Kosovë, Shqipëri, si dhe përfaqësitë diplomatike të akredituara në Maqedoni.