Torres do të mungojë kundër Cityt

Sulmuesi i Liverpoolit, Fernando Torres, mund të mungojë në ndeshjen e fundjavës, të cilën të kuqtë do zhvillojnë kundër Manchester Cityt në Anfield.
Për Liverpoolint ka edhe lajme të mira, pasi që Daniel Agger, Glen Johnson, dhe sidomos Steven Gerrard, po kthehen dhe pritet të luajnë të shtunën.
Këtë e ka konfirmuar trajneri Rafael Benitez, i cili sa i përket Torresit ka thënë se nuk mendon që do ta ketë në dispozicion fundjavën që vjen.
"Fernando Torres është duke u stërvitur me fizioterapistët, prandaj nuk mendoj se do të luajë", ka thënë Benitez për faqen zyrtare të klubit.