Trafik klandestinesh me 35 mije leke

Nje 59-vjecar nga Saranda, eshte ndaluar dje nga agjentet e zyres se Antitrafikut si i dyshuar per trafikimin e 6 emigranteve kundrejt shumes 35 mije leke per secilin, me destinacion Greqine. Burime zyrtare te policise thane se i arrestuari eshte Gezim Muka, banues ne fshatin Shales te Sarandes. Muka dyshohet se me 18 mars, rreth ores 17:20 i ka dhene ndihme per kalim te paligjshem te kufirit, duke transportuar me mjetin e tij tip xhip "Land Rover", me targa SR 4531 B, gjashte persona. Mesohet se klandestinet kane qene nga Shqiperia e Mesme, ndersa u lane te lire pasi u gjobiten. Gjate marrjes ne pyetje emigrantet rrefyen se do te paguanin nga 35 mije leke, me qellim mberritjen deri ne Greqi. Muka u dergua ne dhomat e paraburgimit, pasi u faktua se ne afersi te kufirit me shtetin grek, ne fshatin Verve, ai ka tentuar te kaloje nga ana tjeter e kufirit 6 personat, kundrejt perfitimit.