Trafikonte drogë, policia greke shpall në kërkim shqiptarin
Policia greke, foto arkiv
Policia greke ka shpallur në kërkim një shtetas shqiptar, i cili akuzohet për trafik droge. Zenel Mehmeti, 23 vjeç, akuzohet nga policia greke se ka kaluar nga Shqipëri drejt Igumenicës 750 kg hashash.
23-vjeçari shqiptar e kishte marrë hashashin nga Çifliku i Sarandës dhe e kishte transportuar atë drejt shtetit helen, por droga u arrit të kapet nga policia greke në Igumenicë.
Gjithashtu policia greke ka arrestuar dje edhe një shtetas grek, ndërsa është shpallur në kërkim edhe porositësi i drogës, një shtetas grek rreth 35 vjeç. /E.L/