Trafiku i bebeve, kthehet ne pranga "Kito"
Tirane-Sillet ne pranga, nje nga protagonistet kryesore te trafikut te bebeve nga Shqiperia ne Greqi, Ziko Lena, skandal qe shpertheu ne vitin 2004. I njohur me pseudonimin "Kito", 60-vjecari ka zbritur i prangosur dje rreth ores 8 te mengjesit, ne aeroportin e Rinasit, i shoqeruar nga forcat e policise. Per disa vjet ai ka qendruar i fshehur ne vendin fqinj Greqi, nga ku edhe eshte ekstraduar.
Trafiku i bebes 10-muajsh
Denoncimi i nje gruaje, nxori ne skene emrin e Ziko Lenes, nje prej trafikanteve me te rrezikshem te te miturve. Fillimisht hetimi nisi nga Prokuroria e Korces, por me pas dosja u percoll ne Prokurorine e Krimeve te Renda. Hetimi ndaj tij, nisi ne baze te denoncimit te Mimoza Sadikllarit, ne maj te vitit 2004. Ajo e akuzoi Ziko Lenen, per trafikimin e foshnjes se saj te porsalindur. Ne theniet e saj ne prokurori, gruaja e cila i perket komunitetit rom, ka deklaruar se bebja ishte fryt i nje lidhje qe kishte me Hymet Kreken, me te cilin bashkejetonte. Sipas denoncimit te Mimoza Sadikllarit, nene e kater femijeve te tjere, ajo se bashku me burrin Hymetin, kishin rene dakord me Ziko Lenen, qe lindjen ta kryente ne Greqi dhe me pas femijen do t'ia shisnin nipit te Hymetit, Nazmi Krekes kundrejt shumes se 500 mije lekeve. Ne dhjetor te vitit 2002, gruaja me ane te dokumenteve te falsifikuara ka shkuar se bashku me te pandehurin Ziko Lena, ne Janica te Greqise, ku ka kryer lindjen ne kliniken private te gjinekologut grek, Fotis Niras, i cili kishte lidhje familjare me Ziko Lenen. Tre dite pas lindjes, gruas i kishin thene se foshnja kishte vdekur. Pas kesaj, Mimoza se bashku me Ziko Lenen jane kthyer ne Shqiperi. Ndersa 500 mije leket, Lena ia ka dorezuar Hymet Krekes dhe nipit te tij Nazmi Krekes.
Pas skandalit te trafikut te femijeve te mitur ne kliniken e Janices ne Greqi, gruaja ka kryer denoncimin ne Prokurorine e Korces.
Denimi
Qe prej kohes qe nisen hetimet per zbulimin e ketij rrjeti trafikantesh, Lena u largua ne drejtim te Greqise, ku qendroi i fshehur per vite me radhe. Ai u shpall ne kerkim nderkombetar pasi Gjykata e Krimeve te Renda Tirane, ne prill te vitit 2006 e denoi ne mungese me 21 vjet burg per "trafikim te te miturve". Ne saje te bashkepunimit te Interpol Tirana me Interpol Athinen, u be i mundur arrestimi i tij me qellim ekstradimin.
Ledi Koraqi