Tragjedia, mister numri i klandestineve
Te vetmit ata qe mund te japin nje shifer te sakte jane vete organizatoret e trafikut.
Ne Sarande ka shkuar tashme drejtori i Pergjithshem i Policise, Ahmet Premci, nderkohe qe tragjedia e Butrintit duket se do te marre permasa me te medha.
Me gjetjen e dy kufomave ka shkuar ne kater numri i viktimave te tragjedise se ndodhur ne liqenin e Butrinit.
Polumbaret e repartit RENEA, ndersa po kerkonin per te gjetur 17 vjecarin Ndricim Myftari gjate dites se sotme kane mundur te gjejne ne fundin e ujit te kanalit te Vivarit dy trupa te tjere.
I pari rreth moshes 30 vjec dhe i dyti, i veshur me nje kostum sportiv, rreth 25 vjec.
Me gjetjen e trupit te pare rreth ores 11:00 u mendua se ishte gjetur adoleshenti i zhdukur por babai i tij Ylli Muftari beri identifikimin ne morg dhe konfirmoi se nuk behej fjale per te birin.
Trupi i pare mendohet se eshte i nje prej personave te shpallur ne kerkim dhe qe banon ne fshatin Gjashte.
Policia thirri te afermit e tij per te identifikuar kufomen. Pak minuta me pas eshte gjetur trupi i dyte i pajete.
Gjetjet e fundit kane shtuar dyshimet se mbremjen e se dieles mbi varken e vogel qe u permbys kane qene me shume persona se sa u deklaruan ne fillim.
Nderkohe policia po vazhdon kerkimin e 17 vjecarit qe konsiderohet i zhdukur. Kerkimet vazhdojne ne toke dhe ne ujra. Tragjedia ndodhi mbremjen e se dieles kur nje varke e vogel peshkimi e ngarkuar me clandestine u permbys nga mbingarkesa.
Grupi i klandestineve do te kalonte ne menyre te organizuar per ne Greqi nepermjet kufirit tokesor. Tentative e tyre deshtoi duke lene pas nje bilanc tragjik, 4 te vdekur dhe nje te zhdukur.