Transferime me bollëk
Pak ditë para fillimit të sezonit të ri në Superligë, është mbyllur edhe afati kalimtar për transferimin e futbollistëve nga klubi në klub. Ky afat kalimtar ka qenë me bereqet për klubet e elitës së futbollit kosovar.
Edhe pse në krizë të thellë financiare, rreth 70 transferime janë kryer gjatë kësaj vere nga
12 klubet e Superligës.
Më së shumti hajrin këtij afati kalimtar ia ka parë skuadra e promovuar sivjet në Superligë, Hajvalia. Klubi i këngëtarit të njohur kosovar, Mehdi Pergjegjaj – Meda ka transferuar në radhët e veta plotë dhjetë futbollistë.
Pas Hajvalisë, ekipi më i përforcuar është skuadra e Dritës. Ekipi i trajnerit Arbnor Morina, në radhët e veta ka sjellë nëntë futbollistë.
Pas Dritës, vijnë Trepça dhe Feronikeli me nga shtatë përforcime, derisa kampioni aktual Prishtina dhe ekipi i rikthyer në Superligë, Lamkos Kosova kanë kryer nga gjashtë përforcime.
Për dallim nga vitet e kaluara, skuadra e Hysit këtë verë ka fjetur. Bardhezinjtë kanë transferuar pesë lojtarë ‘të panjohur’, derisa janë braktisur nga disa lojtarë cilësorë. Me pesë futbollistë është përforcuar edhe Drenica.
Edhe nënkampioni dhe fituesi i Kupës, Trepça ’89 nuk ka qenë shumë aktive pasi ka marrë vetëm katër lojtarë, sikurse skuadra e Vëllaznimit.
Lira ka marrë vetëm tri përforcime, derisa ekipi që ka transferuar më së paku futbollistë është skuadra e Besës. Kjo e fundit, në radhët e veta ka sjellë vetëm Egzon Gashin, derisa është braktisur nga lojtarët kryesorë të saj.
Transfere nga jashtë
Klubet e Superligës kanë arritur që të përforcohen me disa lojtarë kosovarë që viteve të fundit kanë luajtur jashtë Kosovës. Kështu, Trepça ’89 ka transferuar Ejup Llumnicën, i cili sezonin e fundit ka luajtur te skuadra zvicerane, Winterthur.
Kampioni i Kosovës, Prishtina ka transferuar Leondrit Marajn, i cili ishte pjesë e klubit gjerman Nurnberg. Kurse Vëllaznimi është përforcuar me portierin Feim Statofci, i cili i ka mbrojtur ngjyrat e një klubit austriak.
Drenica ka transferuar Denis Bejlerin nga skuadra shqiptare Skrapari, derisa Kosova e Vushtrrisë ka angazhuar ish-mbrojtësin e Kalmarit, Alban Dragusha, i cili sezonin e fundit ka mbrojtur ngjyrat e Besës së Kavajës. Kurse Hajvalia ka transferuar Visar Zogianin, i cili së fundit ka luajtur te klubi francez, FC Sable.
BOX: Transferimet
Prishtina:
Argjend Malaj (KEK-u),
Florim Bërbatovci (Hysi)
Leondrit Maraj (Nurnberg)
Kushtrim Mushica (Vëllaznimi)
Liridon Kukaj (Trepça ’89)
Labinot Ibrahimi (Ulpiana)
Drita:
Emir Rama (Flamurtari)
Ismet Caka (Kosova V)
Ismet Ramushi (Gjilani)
Genc Sermaxhaj (Gjilani)
Besmir Gjika (Lepenci)
Xhevdet Shabani (Lepenci)
Ardian Latifi (Gjilani)
Bujar Shabani (Ferizaj)
Besart Morina (Gjilani)
Drenica:
Liridon Zeqiri (Ferronikeli)
Berat Hyseni (Trepça ’89)
Fitim Llapashtica (Prishtina)
Denis Bejleri (Skrapari)
Muhamet Dragusha (Hajvalia)
Trepça:
Erdin Hashani (Drita)
Florent Sejdiu (Drita)
Isuf Sejdiu (pa ekip)
Arben Beqiri (Trepça ’89)
Emin Baliqi (Trepça ’89)
Yll Ramadani (Flamurtari)
Visar Sermaxhaj (Drita)
Ferronikeli:
Fatih Karahoda (Vëllaznimi)
Rexhep Sogojeva (Hysi)
Fidan Gërbeshi (Drita)
Sylvester Ambe (Trepça ’89)
Rafet Mullallari (Vëllaznimi)
Faton Maloku (Gjilani)
Visar Haklaj (Besa)
Llamkos Kosova:
Alban Dragusha (Besa Kavajë)
Arbër Prekazi (Trepça)
Alban Mavriqi (Hajvalia)
Mehë Uka (Prishtina)
Labinot Jetullahu (Drita)
Yll Prekopuca (Hajvalia)
Trepça ’89:
Lorik Maxhuni (Drenica)
Edmond Turku (Trepça)
Samir Sahiti (Drenica)
Isuf Llumnica (Winterthur)
Hajvalia:
Bajram Zuqaku (Prishtina)
Faruk Statovci (Drenica)
Bashkim Ahmeti (Prishtinë)
Ilir Avdyli (KEK-u)
Armend Kastrati (Drita)
Nikollë Dushi (Fushë-Kosova)
Visar Zogianit (FC Sable, Francë)
Samir Zeneli (Drenica)
Festim Krasniqi (Trepça 89)
Venhar Sermaxhaj (Drita)
Hysi:
Taulant Zeneli (Llapi)
Leutrim Blaku (Llapi)
Arlind Zylfallari (Rahoveci)
Jeton Mehmeti (Ferronikeli)
Fidan Ademaj (Hajvalia)
Liria:
Fitim Krusha (pa ekip)
Agron Skeraj (Vëllaznimi)
Ardian Thaçi (Vëllaznimi)
Besa:
Egzon Gashi (Drenica)
Vëllaznimi:
Dardan Rugova (Teuta)
Valon Kasapi (Futsall)
Feim Statovci (Austri)
Alban Guci (Liria)