Transferimet e studimeve ne UT, rregullat e reja
Universiteti i Tiranes ka bere publike rregullat qe duhet te ndjekin studentet pergjate ketij viti sa i perket transferimit te studimeve nga rrethet, universitetet private apo edhe ato jashte vendit. Keshtu, perzgjedhja e fituesve per vitin e ri akademik 2013-2014 do te behet permes konkurrimit me dosje. Burimet zyrtare te UT-se, konfirmojne se aplikimet per transferimin e studimeve do te lejohen vetem per programe ne te cilat kohezgjatja e studimeve eshte minimalisht tre vite akademike. Çka do te thote komisioni i perzgjedhjes se fituesve nuk do te marre ne shqyrtim aplikime per transferim studimesh nga programe studime te ciklit te pare, qe zgjasin me pak se 3 vite studimi. Sipas percaktimeve te bera edhe ne rregulloren e universitetit, nuk lejohen transferimet semestrale, pasi aplikimet kryhen vetem ne nisje te vitit te ri akademik. “Ne zbatim te nenit 35 te Ligjit “Per arsimin e larte ne Republiken e Shqiperise” specifikojme se Universiteti i Tiranes nuk pranon dhe nuk shqyrton aplikime per transferim studimesh nga programe studime te ciklit te pare, qe zgjasin me pak se 3 vite studimi”, behet me dije nga UT. Sipas udhezimit, per te transferuar studimet midis programeve te njejtit cikel, studenti nuk ka nevoje te marre leje nga institucioni ku studion, apo te percillet shkresa zyrtarisht nga keto institucione, pasi kete procedure e kryejne vete strukturat universitare. Ne rregullore jane percaktuar edhe afatet se kur duhet bere dorezimi i kerkesave, si dhe dokumentet shoqeruese. Pranimi i dokumenteve nga kandidatet e interesuar do te nise nga data 27 gusht deri me 10 shtator, nderkohe qe brenda ketij harku kohor duhet perfunduar edhe pergatitja e dosjes se aplikimit sipas percaktimeve qe i gjeni te detajuara ne vijim te shkrimit. Pjese e aplikimeve mund te behen te gjithe studentet qe, ndonese kane kryer nje vit akademik apo me shume prane ketyre institucioneve te arsimit te larte, mbarimin e pjeses se mbetur duan ta zhvillojne ne sektorin publik. Sipas afateve te percaktuara ne rregulloren per transferimet, studentet duhet te paraqiten per te bere aplikimin, ku fillimisht duhet te plotesojne formularin, ne te cilin detajojne te gjitha te dhenat ne lidhje me kerkesen per transferimin e programeve studimore universitare. Dorezimi i aplikimit per transferim pranohet prane zyres se protokollit te Rektoratit te Universitetit te Tiranes ne datat e percaktuara. Pas mbylljes se fazes se aplikimeve keto dosje do te shqyrtohen nga nje komision ekspertesh, te cilet ne baze te kritereve te vendosura do te konfirmojne se cilet do te jene kandidatet qe do te mund te transferojne studimet e larta per vitin e ardhshem akademik. Duke iu referuar kerkesave te shumta per transferime, edhe per kete vit gara pritet te jete e ashper, pasi kuotat e pranimit nuk parashikohen te jene me te larta se vitet e shkuara. Sipas deklarimeve te bera deri me tani kuotat e pranimeve per transferimet pritet te jene rreth 200, megjithate shifrat zyrtare te pranimeve do te behen publike gjate diteve ne vijim. Fituesit e perzgjedhur ne varesi te kuotave te miratuara per transferimet ne cdo program u nenshtrohen te njejtave tarifa studimi si edhe kandidatet e tjere qe vijojne studimet ne ciklin perkates.
Llojet e transferimeve
Universiteti i Tiranes ofron mundesi per transferime te studenteve ne vite te ndermjetme midis programeve te te njejtit cikel, brenda vete institucionit apo institucioneve te ndryshme te arsimit te larte, si dhe per transferime nga programet e meparshme ne programe te studimeve te ciklit te pare. Si rregull, transferimet behen ne vite te ndermjetme dhe pranohen kandidatet me rezultatet me te larta. Kreditet minimale te domosdoshme per transferimin e studimeve jane 30. Procedurat transferuese perfundojne vetem ne nisje te vitit te ri akademik. Per studentet qe duan te transferohen ne Universitetin e Tiranes, komisioni i ekuivalentimit i ngritur prane cdo departamenti, mbi bazen e dokumentacionit qe dergon universiteti perkates, percakton detyrimet qe do te kete studenti, nese pranohet ne ate dege, sipas planit mesimor ne fuqi si dhe njohjen e shlyerjes se lendeve me ekuivalence.
Propozimi dhe miratimi i transferimit
Per studentet e universiteteve te tjera qe duan te transferohen ne Universitetin e Tiranes, universiteti percjelles duhet te jete i akredituar. Propozimi vjen nga rektorati i universitetit percjelles i shoqeruar me te dhena te hollesishme per studentin: “Programi i studimit, cikli, sistemi i studimit, detyrimet e shlyera, vleresimet me kreditet perkatese, certifikate personale, nese gezon te drejten e burses ose jo, programet e lendeve qe ka kryer. Vendimin per pranimin e studenteve te propozuar per transferim e merr rektori pasi ka marre mendimin e dekanatit/drejtorise, duke pasur parasysh mundesite e kapacitetin e programit dhe ciklit te studimit sipas kuotave te percaktuara ne vendimin e Keshillit te Ministrave si dhe rezultatin e ekuivalentimit. Kalimi nga forma e studimeve me kohe te plote ne ate me kohe te pjesshme, behet me vendim te Rektorit, me propozim te dekanit, mbi bazen e kerkeses se studentit te interesuar, pasi ai te kete perfituar te gjitha kreditet e vitit te pare te studimeve. Kalimi nga forma e studimeve me kohe te pjesshme ne ate me kohe te plote behet me vendim te Rektorit, me propozim te dekanit, mbi bazen e kerkeses se studentit te interesuar, per studentet qe kane perfituar te gjitha kreditetet e vitit te pare te studimeve dhe qe kane mesatare te notes se studimeve 8,5 e lart. Ky kalim behet kur e lejon natyra e fushes perkatese te diplomimit.
Dokumentet dhe afatet per transferimet e 2013-2014-es
Per aplikim per transferimin e studimeve ne Universitetin e Tiranes, eshte i nevojshem dokumentacioni i meposhtem:
Formulari i aplikimit per transferim studimesh, i plotesuar nga aplikanti
Lista e lendeve, krediteve dhe notave te fituara (ne forme zyrtare me firme dhe me vule), si dhe programet perkatese te ketyre lendeve.
Kopje e noterizuar e diplomes se shkolles se mesme
Per institucionet e arsimit te larte jashte vendit, dokumentacioni i dorezuar duhet te jete i perkthyer ne shqip dhe i noterizuar ne Shqiperi
Te gjithe dokumentet duhet te jene origjinale ose te noterizuara.
Fotokopje e kartes se identitetit
Mandat arketimi (informacionin per banken dhe tarifen e aplikimit do t’a gjeni prane zyres se protokollit ne Rektoratin e UT-se, ne kohen e plotesimit te formularit per aplikim).
Pranimi i dokumentacionit per aplikim per transferim studimesh behet nga data 27.08.2013 deri ne date 10.09.2013.