Traret e hekurudhes ne flake, 150 pasagjere ne panik

Lezhe- Zjarri perfshin traret e hekurudhes, 150 pasagjere "peng" ne tren per nje ore e gjysme. Ngjarja ka ndodhur diten e djeshme ne trenin e linjes Tirane-Shkoder, ne fshatin Bacel. Drejtuesi i mjetit hekurudhor ka arritur te shmange tragjedine ne kohe, duke frenuar ndersa ka pare edhe flaket qe kishin perfshire te dyja anet e rruges ku kalonte linja dhe disa trare. Sipas pasagjereve qe kane udhetuar me kete tren, ne fshatin Bacel, ndermjet Lezhes dhe Shkodres, zona ne afersi te linjes hekurudhore ishte e perfshire ne flake dhe tym. Po keshtu ne nje gjatesi rreth 30 metra, kishin marre flake edhe traret. Fatmiresisht makinisti ka reaguar ne kohe duke frenuar para se te mberrinte ne pjeset e demtuara te shinave, pasi permbysja e vagoneve do te ishte e pashmangshme. Nderkohe qe drejtuesi i trenit ka lajmeruar menjehere punonjesit e hekurudhes, te cilet mberriten menjehere ne Bacel, duke mundesuar edhe shuarjen e flakeve. Ne ndihme te tyre jane vene edhe 150 pasagjere dhe pas 90 minutave eshte bere e mundur te situata te kthehej ne normalitet. Punonjesit kane riparuar edhe traret e demtuar, ndersa policia nisi hetimet per ngjarjen, pasi dyshohet per nje zjarr te qellimshem. Burime policore thane se dyshohet qe banoret t'i kene vene flaken kashtes se grurit dhe aksidentalisht flaket mund te jene perhapur drejt shinave te linjes hekurudhore.

A.Bushi