Trashëgimia kulturore, Bashkia tur informues për të rinjtë
TIRANË-Bashkia e Tiranës nisi promovimin e trashëgimisë kulturore të kryeqytetit, përmes një turi me nxënës dhe studentë, të cilët janë njohur me disa nga monumentet historike e kulturore.
Ky tur informues nisi nga Kulla e Sahatit, për të vijuar në kompleksin e Toptanëve, Urën e Tabakëve, Mozaikun e Tiranës etj. Nxënësit dhe studentët janë shoqëruar edhe nga Nënkryetarja e Bashkisë së Tiranës, Jorida Tabaku.
“Për ne ka shumë rëndësi të kuptojmë, se monumentet kulturore dhe trashëgimia kulturore e qytetit, nuk është vetëm këtu në qendër por ka shumë monumente të trashëgimisë kulturore, të cilët bashkarisht me Ministrinë e Kulturës po i identifikojmë, po përgatisim një bazë të dhënash për të gjithë këto monumente dhe do të përpiqemi maksimalisht që një ndër projektet kryesore të Bashkisë, të jetë mirëmbajtja, gjallërimi i këtyre monumenteve, në mënyrë që të organizohen sa më shumë ture si ky i sotmi” theksoi Tabaku.
Ajo lançoi edhe projektin e ri të Bashkisë, të titulluar “Monumentet flasin”, duke mundësuar që trashëgimia kulturore e qytetit të Tiranës, të vizitohet nga të gjithë turistët dhe kushdo që të vijë në Tiranë, të ketë informacion të bollshëm, të detajuar, për të gjithë këto monumente kulture.
(d.b/BalkanWeb)
Ky tur informues nisi nga Kulla e Sahatit, për të vijuar në kompleksin e Toptanëve, Urën e Tabakëve, Mozaikun e Tiranës etj. Nxënësit dhe studentët janë shoqëruar edhe nga Nënkryetarja e Bashkisë së Tiranës, Jorida Tabaku.
“Për ne ka shumë rëndësi të kuptojmë, se monumentet kulturore dhe trashëgimia kulturore e qytetit, nuk është vetëm këtu në qendër por ka shumë monumente të trashëgimisë kulturore, të cilët bashkarisht me Ministrinë e Kulturës po i identifikojmë, po përgatisim një bazë të dhënash për të gjithë këto monumente dhe do të përpiqemi maksimalisht që një ndër projektet kryesore të Bashkisë, të jetë mirëmbajtja, gjallërimi i këtyre monumenteve, në mënyrë që të organizohen sa më shumë ture si ky i sotmi” theksoi Tabaku.
Ajo lançoi edhe projektin e ri të Bashkisë, të titulluar “Monumentet flasin”, duke mundësuar që trashëgimia kulturore e qytetit të Tiranës, të vizitohet nga të gjithë turistët dhe kushdo që të vijë në Tiranë, të ketë informacion të bollshëm, të detajuar, për të gjithë këto monumente kulture.
(d.b/BalkanWeb)