Trazira në Belfast

Policia në Irlandë është detyruar të reagojë ndaj trazirave në veri të Belfastit, ku 47 policë kanë mbetur të lënduar që prej ditës së diel.

Të paktën 15 oficerë mbetën të lënduar mbrëmjen e së hënës, me tre prej tyre që janë shtruar në spital. Policia i ka konsideruar trazirat si një “cenim serioz të rendit publik”.

Anëtarë të fraksionit protestant të quajtur Besnikët u mblodhën në Rrugën e Danimarkës, ndërsa fraksioni i krishterë, i njohur si Republikanët në Rrugën Antim.

Bomba molotov, tulla dhe gurë u hodhën ndaj policisë.

Nga ana tjetër, katër topa me ujë u vendosën nga policia për të shpërndarë turmën dhe të paktën një person u arrestua, ndërsa shumë rrugë u mbyllën.

Drejtori i Federatës Policore të Irlandës së Veriut, Terry Spence, vlerësoi punën e oficerëve që ishin në vijën e parë. “Guximi i tyre i bëri kontrast akteve frikacake të atyre që u përpoqën t’i vrisnin”, tha Spence.