Tre kutitë e “sherrit” të Fierit do të mbërrijnë në KQZ

Kutitë e KZAZ-së 20 në Fier, pritet të mbërrijnë në Komisionin Qendror të Zgjedhjeve. Këto kuti i përkasin komunës së Libofshës, të cilat u deklaruan të parregullta nga komisionerët e PD-së. Komisionerët e Partisë Demokratike pretendonin se 3 kutitë kishin probleme teknike dhe ishin të papranueshme për një proces normal. Ku fakt irritoi kandidatët dhe përfaqësuesit e PS-së në këtë proces, të cilët e kontestuan këtë vendim dhe kërkuan rinumërim të kutive dhe vlerësim të rezultateve.

Gjatë natës së mbrëmshme pati përplasje të forta, ku militantë të shumtë të Partisë Socialiste nuk lejuan tranferimin e kutive drejt Tiranës. Në këtë zonë mbërritën edhe kandidatë për deputetë të forcave të ndryshme politike. Burime mediatike bëjnë të ditur se vendimi për transferimin e kutive është marrë pas ndërhyrjes së ambasadorëve perëndimor të akredituar në Tiranë, të cilët ashtu sikurse edhe herë të tjera janë ndërmjetësit për paqe në politikën shqiptare.