Tritol shtylles arrestohet biznesmeni

Njëri nga shumë personat e arrestuar nga Policia e Lezhës dhe ajo e Shkodrës është biznesmen që akuzohet se ka paguar grupin e tritolvënësve tek shtyllat e tensionit të lartë në Kallmet të Lezhës. Policia nuk pranon të bëjë të ditur identitetin e të arrestuarit, i cili dyshohet se është edhe njëri nga organizatoret e grupit, që sipas Drejtorit të Policisë së Lezhës, Muharrem Furriku, rezultojnë pjesëmarrës në protestën e 21 janarit, si dhe kishin për qëllim destabilizimin e situatës ditët e ndërrimit të viteve.