Trombisti Sokol Saraci, koncert se bashku me studentet ne Universitetin e Arteve
Trombisti dhe pedagogu Sokol Saraci, vjen para artdashesve me nje koncert recital. Ne program, nder te tjera, dy pjese qe luhen per here te pare: muzike baroke nga Antonio Vivaldi, “Koncert per trombe te vogel dhe violine solo” dhe “Adaggio per orkester”, nga Rodriguez. I ftuar special eshte tenori Kastriot Tusha. Shoqerohet ne violine solo nga studentja Rozarta Luka dhe nga orkestra e harqeve e studenteve te Fakultetit te Muzikes ne UA. Orkestra perbehet nga kater violina te para, kater te dyta, dy violoncela, nje kontrabas, plus instrumenti i cembalit, qe integrohet per here te pare ne nje orkester studentore. Keto jane risi qe trombisti dhe pedagogu ne Universitetin e Arteve, Sokol Saraci kerkon t’i promovoje se bashku me studentet. Ne koncert do te perdoret per here te pare edhe instrumenti i Klavicembalos, gje qe ben te mundur sjelljen ne variantin sa me origjinal te muzikes. Ne repertor do te kete edhe muzike nga kompozitore te ndryshem si W. Mozart, J. Sibelius, Kujtim Laro. Prej 25 vitesh trombisti Sokol Saraci, ka luajtur brenda dhe jashte vendit, tromben e pare dhe te dyte ne Orkestren Simfonike te Teatrit te Operes dhe Baletit. Eshte themelues i klases se Trombes ne Prishtine dhe i Filarmonise se Prishtines; themelues i kuintetit te pare te tunxhit ne Shqiperi, bashke me Prof. Doc.Isak Shehu, Alban Zadeja, Bardhyl Gjevori dhe Florenc Qafali.