Tropojë, kapet me drogë, arrestohet 17-vjeçari

Një 17-vjeçar me inicialet I.D u arrestua  ditën e sotme, pasi posedonte 7 kg lëndë narkotike të cilën e kishte fshehur në banesën e tij.

Arrestimi i të riut u bë  gjatë kontrollit të ushtruar në banesën e tij, nga ana e shërbimeve të Komisariatit të Policisë Tropojë.

Atij i janë  gjetur në banesë dhe sekuestruar në cilësinë e provës materiale, 7 kg bimë narkotike , 1 automatik mod 56, 1 karikator me 12 copë fishekë, mod 56 dhe 2 kallëp tritol.

Materialet iu kaluan Prokurorisë së rrethit Gjyqësor Tropojë, për veprën penale të “Prodhimit dhe shitjes së lëndëve narkotike, Armëmbajtje pa leje të armëve dhe municioneve luftarake.